O passado día 15 as FSE detiverom a umha pessoa pola sua suposta participaçom em umha sabotagem a dúas delegaçons do INEM em Vigo e em Porrinho, acçons bastante repetidas nos días previos à passada greve geral do día 29 de Setembro em concreto, e durante todo este ano 2010 em geral.
Temos que contextualizar estes acontecimentos em umha conjuntura dumha grave crise económica, de um sistema que tem por norma a exploraçom das classes populares e que nestes momentos tem a necessidade de acentuar esta exploraçom para evitar a quebra do devandito sistema. Actualmente o número de trabalhadores e trabalhadoras que se encontram no paro é máis que alarmante, e este dado segue a aumentar sem cesar, unido isto ao recorte de direitos sociais e à privatizaçom dos recursos públicos máis básicos fai que a situaçom de muitas pessoas seja insostível.
Neste contexto sócio-económico vemos como há gente que luita polos seu direitos, que nom se submete às injustas normas do jogo ditadas polo gram capital, vemos que há gente que luita por umha vida digna, que luita polo que merece o povo trabalhador galego, gente como o companheiro Miguel, o qual está a ser duramente reprimido por simplesmente reivindicar o que merece como trabalhador e como galego.
Desde Semente Vermelha queremos mandar toda o nosso apoio ao Miguel, o qual se encontra retido na prisom pontevedresa d´A Lama e exigimos a sua liberaçom inmediata.
MIGUEL LIBERDADE!!!
No hay comentarios:
Publicar un comentario