O nosso colectivo foi fundado com o objectivo de abrir um local social no bairro do Castro, em Vigo, lugar estratégico devido a que este representa de forma mui clara a situaçom de espanholizaçom que sofrem hoje em dia as cidades do nosso país, sendo umha das zonas mais espanholizadas de umha das cidades mais espanholizadas, e onde nos atopamos com muita juventude, a qual é monolingüe em espanhol e onde o seu contacto com a língua nacional é nulo, polo que o objectivo de Semente Vermelha é realizar todo tipo de actividades culturais, sociais, desportivas... para fomentar no bairro a recuperaçom de todos os símbolos que nos definem como país; língua, cultura, jogos populares... e assim tentar evitar que a nossa herança cultural se perda no esquecimento das geraçons máis velhas e com isso se veja alhanado o caminho de assimilaçom linguística e cultural por parte do estado espanhol, objectivo fundamental para nos reduzir e aniquilar como povo.
Cremos que a melhor forma de conseguir levar a cabo este objectivo e mediante a apertura de um local social para que com esse espaço físico seja máis singelo achegar-nos à gente do bairro e apresentar-lhes o nosso modelo e nossa alternativa.
A continuaçom apresentamos o manifesto no qual fica definido o nosso projecto:
Semente Vermelha autodefine-se como um colectivo cultural de âmbito de bairro, que tem como objectivo a dinamizaçom do bairro do Castro desde umha perspectiva anti-consumista e alternativa baseada na autogestom, e a divulgaçom da língua e a cultura galega com a fim de re-criar umha mínima consciência nacional galega e de classe em contraposiçom com a espanholizaçom quase plena que os bairros das cidades galegas estám a sofrer hoje em dia e com um capitalismo cada vez mais feroz que avança imparável face as nossas vidas negando-nos cada vez mais como indivíduos, e reduzindo-nos unicamente a força de trabalho e ferramentas de consumo.
O nosso colectivo, fai parte dum movimento cultural e social, impulsionado polo próprio povo galego e longe de qualquer instituiçom; sendo assim, um projecto plural, e com total autonomia respeito de qualquer organizaçom política concreta no que têm cabida todas aquelas pessoas que desde a perspectiva dumha esquerda independentista, anti-capitalista, anti-imperialista, anti-racista e anti-patriarcal, creiam nesta iniciativa que principalmente desenvolverá o seu trabalho a través da apertura dum local social no bairro desde onde poder organizar com maior facilidade as nossas actividades e socializar o nosso modelo.
Mostramo-nos partidári@s da normativa lingüística da AGAL, apostando assim firmemente polo reintegracionismo e também polo monolinguismo social neste país, cremos que é o único jeito de que a nossa língua goce do espaço que legitimamente lhe pertence, e que se desenvolva livremente sem as barreiras que a imposiçom do espanhol e os intentos de assimilaçom por parte do Estado imponhem no desenvolvimento da língua galega.
Manifestamos a nossa disposiçom a colaborar com todos aqueles projectos que se estabeleçam tanto na cidade coma no país e que compartilhem os nossos objectivos, assim como a ceder os nossos espaços a qualquer outro tipo de colectivos culturais, políticos, sociais ou mesmo iniciativas individuais que quinhoando os nossos anelos o precisar. Oferecemos pois, a todas aquelas iniciativas rejeitadas por este sistema a possibilidade de ser apresentadas e escuitadas.
